مفضلات فبراير

 

 

 

 

السلام عليكم

شخباركم ..؟:)

ان شاء الله اموركم عال العال

 

 

تدوينه بسيطه خفيفه عن مفضلاتي لشهر فبراير ..

 

 

 

 

 

مو كثيرة لاني ماغيرت كثير في المنتجات الي استخدمتها قبل ...

 

 

نبدا بشدوات

من باليت شوكلت بار من توفيسد

 

 

 

 

هذا الاصدار الاول منه

 

لونين وحيده حسيتها تناسب الصباح

اللون الثالث من اليمين في الصف الاول

واللون الاخير من اليمين في الصف الثاني

كل هاللونين مات مطفيه

اللون الفاتح احطه عالجفن كامل والغامق في كسره الجفن

جودة الشدوات نفسها في هالباليت ممتازة ماتتناثر ومن اول مسحه تبان في نفس الوقت دافيه وتعطيك لوك دافي رايق للصباح

 

عيبه ماهي مكتوبه الالوان على العلبه

ومااشوفه عيب كبير بس بيسهل علي اختيارها لكم بسرعه

تلقونه في سيفورا ناسيه بكم اخذته لاني طالبته اون لاين

 

 

 

 

منتجات الوجه

 

منتج واحد هلكته وتقريبا كل يوم استخدمه

 

 

 

 

بي بي ميشا

طلبته من متجر ومااذكره للاسف

درجتي فيه 23 لكن لو لقيتي 27 خذيها بدون تردد

اللون ااذا حطيتيه بيتاكسد وبيصر نفس لونك

تغطيته ممتازة من متوسطه لفل اذا حابه

يعطي لوك مطفي مايجفف

بصراحه بشرتي اتحسنت عليه كثير كثير

ماعاد فيها مسام لاني مااكتمها في شي ثقيل وماعاد طلعتلي الحبوب البيضاء والرؤوس السوداء

يعالج النمش والتبقعات ماادري اذا فعلا يعالجها او لا لانها مو عندي بس هم يقولون

هم يعني الشركه

سعره 100

وقربت اخلصه ومتحمسه اجرب الدرجه 27

 

 

 

بودره الوجه من إيفون

 

 

 

 

 

 

مااذكر سعرها بس تلقونها عند مندوبات ايفون

 

تغطيتها فل كفر ماتجفف ابدا البشره وعلى فكره بشرتي جافه جدا

استخدمها بعد المرطب بفرشه منفوشه بشكل سريع ماتاخذ مني دقيقه

اذا حابه تخففين تغطيتها استخدمي فرشه لها واذا حابه الكفر يكون اثقل استخدمي اسفنجه معاها

انكسرت وتبهذلت ومو راضيه اتخلى عنها

الحلو فيها ماتعطي هذاك الشكل الي حاطه الف طبقه وطبقه

 

 

 

 

 

 

 

 

 

كونسيلرين طايحه عليها

اولا كونسيلر ميك اب فورايفر درجته 1

اخذته من الظهران مول في هارفي نيكلز اعتقد مو متذكره ششي زي كذا

عاد صححولي اذا غلط

سعره 150 ريال

استخدم منه الكوركتر الاورنج

قبل اي شي احطه وبعدها البي بي بعدها كونسيلر فيت مي

طبعا تبع فورايفر مايخطط لاني احطه بشكل كفايه وادمجه باصبعي

فيت مي درجتي 25 فيها لون اورنجي فتخفي الهالات تماما

سعر فيت مي 40-60 مو متذكر من سنتر بوينت

فيت مي يخطط بشكل فظيع لازم تثبتينه ببودره

 

 

 

البودره الي استخدمها لتثبيت الكونسيلر

 

 

 

 

بودره من ماك كولكشن ميلفسنت

اول شي منهم مايتحسس وجهي منه

الباكج لطيف واحبه

للاسف ماعاد متوفره ابدا

هي درجه وحده فقط ناتشورال

جايه على بنكي

 

 

 

بس لما تحطينها على بشرتك ماتلقين لها لون

خفيفه مره وماتجفف البشره

هذي اذكر زعلت زعل اني مالقيتها وقالولي مخلصه وكنت متحطمه

بعدها بشهر رجعتلهم لقيتها موجوده

 

 

 

 

 

برونزر طبعا عرفتوه اذا تتابعوني يوميا

:)

 

 

 

 

 

هوني برونز من بودي شوب

سعره 82 ريال

حجمه كبير جدا بيطول معاك

وشكله كيوت ولطيف :)

اخذت رقم 4 اغمق درجه

تبان من اول مسحه فيها لون اورنج بس مو مره قوي

يحلي الوجه بشكل مو طبيعي ويعطيك لون دافي

بالنسبه لي اهم شي هو في الميك اب اليومي

 

 

 

 

 

 

 

البلاشرات ماجربت كثير

 

 

 

 

 

مازلت استخدم تبع لانكوم

لان لونه خفيف ويبان طبيعي

اتكلمت عنه في الانستا في #ريفيو _باربي

 

 

 

 

 

الهايلايتر

 

 

 

 

من ماك سوفت اند جنتل ب167 اعتقد

مع برونزر هوني يعطي شكل خيالي خصوصا تحت نور الشمس

شي موطبيعي

العيب الوحيد الي فيه انه مااحس ينفعل معه اي فرشه بس اصبعك بشكل مسح خفيف

حتى في مدمع العين مو قوي

والجميل الي فيه ان لمعته مو قويه وجزيئته كبيره بالعكس صغيره تنفع للصباح

الشي الي افضل منه بالنسبه لي من ناحيه التركيبه والوضوح

الشدو من لانكوم رقمه 122

الشدو نفسه زبددددده مو مثل سوفت اند جنتل ناشف شوي

حتى لما احط هالشدو في مدمع العين يطلع في الصور شي خيالي

يفتح العين ويخليك منوره ومصحصحه

مااعرف للاسف كم سعره

 

 

 

 

 

 

 

اخر منتجات الوجه

بخاخ من توني مولي ماركه كوريه

مخصص للبشره الجافه

يعطي ترطيب احيانا اول مااحط الميك اب احس وجهي مشدود هذا احسه يبرده شوي ويرطبه

سعره اعتقد 50 من متجر في الانستا ناسيته

 

 

 

نجي للشفايف

 

 

قلوس نود لحمي من ايفون اعتقد سعره 25 او اقل

 

يرطب ومايجفف ابدا الشفايف ولمعته حلوة ومايلصق الشفايف فبعض

 

 

 

 

 

مرطب من ديور

مااستغني عنه بعد اي روج

احب احطه بعد مااحط المححدات عشان ماتتزحلق وتصير مافي لون

فنفس الوقت يرطبها ويعطي الشفايف شكل حلو مااعرف اوصفه بصراحه

فيه لون زهري خفيف مايبين

وفيه لون ثاني له مشمشي

سعره 160 او شي

من فافافوم

 

 

 

 

 

 

نبدا بالاشياء الي مو من الميك اب :)

 

 

 

عطر من ناتشورال كير

 

 

 

 

 

اسمه دارلينق

للاسف اخذت اخر علبه من المحل وانقطع عن السوق خلاص

من اجمل عطورهم

وسعره رخيص ب80 ريال بس !!!

ثباته خيالي حتى اختي تشمه فيني لما ارجع من الدوام وانا مو حاطه شي الا في نص الدوام او اوله

 

له ذكريات حلوة عشان كذا احبه ومااعرف اوصف روايح بصراحه

تلقونه في فروع ناتشورال كير

 

 

 

 

بالنسبه للشعر

 

 

اتكلمت قبل عن منتجات حسنت شعري وفنفس الوقت صار يدهن ويزيت بسرعه

 

 

 

هالشي ساعدني كثير

شامبو الجاف من بتيست

تلقونه بصيدليات بوتس

مااذكر السعر

وظيفته يرش مثل البودره تجفف شعرك من الزيت

ينقذني الفجر اذا متاخره وماعندي وقت اتروش

وريحته حلوه هالنوع

 

 

 

 

 

اخر شي

 

 

 

 

 

مشط كيوت من بودي شوب اعتقد سعره 12 ريال

ينفعني كثير في الدوام وفي الشنطه دايما معي

صغير وخشبي فاحسه نظيف بسرعه اقدر اغسله

 

 

وبس ان شاء الله استمتعتو بتدوينه اليوم :)