يوميات في اول وظيفه ..

 

 

 

السلام عليكم
ان شاء الله كلكم طيبين واموركم ماشيه في التمام :)..

لاحظت قبل شهرين تقريبا ان تدوينه ال2014 وانجازاته لاقت اقبال عليها اكثر من اي تدوينه كتبتها قبل ..
كثير طلبو ابديت او تحديث لظروف والاشياء الي صارت لي بعدها ..

ومن هالشي قررت اكتب هالتدوينه ...

مع اني كنت متردده ماابغى الغير يفكر اني اكشخ عليهم او اني انا اول واخر وحده اتوظفت ..هي مجرد يوميات اكتبها عشان اتذكرها ويمكن احد يلقى نفسه في هاالتدوينه ..

 

 

 

 

 

 

 

 

اولا قبل اتوظف الحمدالله كنت فاضيه وقتي قضيه في تعلم طبخه او فيلم جديد اتابعه او عالانستقرام اشوف ايش نزل شي جديد او امشي ساعه زمان او اتفرج عالاون لاين شوبنق واطلب الي نفسي فيه حتى اذا ماحتتجته
كانت نفسيتي تتعلق باي شي بسيط يصيرلي واشوف الاشياء الصغيره واحيانا الاشياء الي ماتنشاف ومش موجودة كبيره كبير الكون وازعل زاتضايق وتتغير نفسيتي ..
احيانا كنت امنع نفسي من النوم لاني متضايقه ضيقه بشعه وماابغى انام بهالنفسيه لاتصحى معي الصباح او يتعب جسمي منها ..
كلنا عندنا لحظات كريهه في الحياه سوا صحبات نشتاق لهم او وفاه احد قريب مننا او شخص سيء جدا لعب في نفسيتنا وشوه داخلنا اشياء مع اننا حلوين ..
لما تجلسين في البيت لحالك واكرر كلمه لحالك يعني ماعندك اخت اكبر منك تجلس معك ولاعندك ام اب يحسسونك ان الحياه طبيعيه شي طبيعي جدا انك تشوفين شي من زمان صار لك لو قبل سنين كانه تو صار وتتضايقين وتلقين نفسك تتضاربين مع نفسك ..
احينا حتى وانتي متضايقه تعرفين ان هالشي سخيف وانك متضايقه من الفضاوة مو منه ..

 

 

 

 

 

 

 

واحيانا اذا اشتريتي شي تقولين كيف استخدمه وانا مااطلع ولاادخل والحياه الاجتماعيه اغلبنا يمكن 80 في الميه من العازبات مايطلعون كثير اخوك ينشغل ابوك تعبان وممن هالكلام ..
كل هذا تحسينه على راسك وان ايامك تعدي وانتي ماتعيشينها ..
الغريب اننا مانفكر بشي ...

 

 

 

 

 

 

 

 

 

 

اذا الله عطانا عمر باقي بنعيش اشياء حلوة وشينه باقي بنطلع بنسافر بنروح بنجي بنطلع لاماكن حلوة بنشوف ناس حلوه وبنعيش ايام نتمنى انها تنعاد بس لسى ماجات ..
يمكن هالطفش الي نعيشه نعيشه مقدما عن الحياه الجايه ..
دايما احب افكر كذا ..
ان اي لحظه طفش عشتها الان اخذتها من عمري الي قدام وماراح يبقالي الا اللحظات الحلوة ..:)

 

 

 

قتنعت بهالشي بعد الوظيفه ..
لما توظفت اكتشفت اني عشت ل لحظه فضاوة في السنه الي جلستها عن اول شهر داومته ..
كل لحظه زهق ونوم طويل اخذته قبل والحين اتمناه ..
اول اسبوعين كنت اصحى قافله اخلاقي ومو عاجبني اني اصحى على منبه ..
نعمه كنت مو حاسه فيها بصراحه :(
كثير قالولي طبيعي هالاحساس لان جسمك ماتعود والحين اكلمك وانا الحمد الله متعوده على دقه المنبه صح اني اتعب من الصحوة بس مو بنفسيه شينه مثل اول ..

 

 

 

 

 

 

 

 

 

 

في البدايه لي مكتب لحالي الحمدالله ..
هالشي ساعدني كثير من ناحيه الخصوصية يعني اكل اشرب اصلي واقرا الوقت الي يريحني ..
حتى اهم شي عندي ان ترتيب المكتب مايتغير لو اطلع وادخل ومايهم ايش اسوي فيه اهم شي اه لي ..
اول اسبوعين كان ضغط وصعب اعرف كل اسماء الطالبات الي ادرسهم خصوصا اني ادرس مادتين
ماده اللغه الانجليزية يبغالها تركيز وتقويه وحاسب يبغاله رواق ونفسيه حلوة وهالاثنين ماقدرت اجمعهم ..

 

تقريبا 86 طالبه لازم تعرفين مستواياتهم ومن تحتاج تقوية ومن تحتاج تدارين نفسيتها لانك ماتبغين شكاوي من الاهالي لانها مدرسه اهليه ..
كنت نضغطه واعصب وصوتي يعلى فجاه واحس ان عطائي مو في محله او اني مااعطي بشكل صحيح لاني اخلص الحصه بشكل سريع يعني اخلص في 20 دقيقه !!!!!

فماكنت واثقه من نفسي ولاقدرت اطلب لمعلمات يدخلون لي لان الفصل وخصوصا انهم في الابتدائي بيحسون ان الوضع مو تمام ويهجدون زياده ومايتفاعلون او انهم بيهيجون لانهم مبسوطين ..
لاني لحد الان ماكتشفت ايش الاسلوب الصح الي اتبعه معهم ..

 

 

 

 

 

 

 

 

 

جات شكاوي اني شاده على الصف الاول ابتدائي كثير مااخذتها بشكل شخصي وركزت اكثر على نفسيه البنات اكثر من الدرس لاني لاحظت ان الامهات اهم شي بنتي تنبسط مايهمها تتعلم الا الاجانب ..

مرت الايام واحس اني ماش ماني عارفه ليه انا اسوي هالشي اصلا ..
دايا اذا حسيت كذا اتذكر ان فيه كثير يتمنون مكاني واني محظوظه وهذي فرصه لازم استغلها ..

الاسبوع الي فات كان اكثر اسبوع ضغط ..
اول مره امسك حصصي وحصصص ناس غيري بسبب الغياب غير الاعمال الي لازم اسويها بين الحصص وبشكل مستمر للاداره ولي انا ..
وحده من المدرسات تقولي نحفتي مررررره هالاسبوع لاحظتك ..
جد اهملت نفسي في المقابل مبسوطه باهالضغط افضل بكثير من فضاوة تجيب المرض
..
علاقتي مع الموظفات الثانيه شبه معدومه وان كانو يحترموني كثير ويحاولون يفتحون سوالف معي وبالعكس اتجاوب معهم ونضحك بس احب احط حد مع اي احد ..
خصوصا ان البعض يتكلم عن الاداره بطريقه بايخه او ينتقد المديرة بطريقه مب حلوة وهالشي ممكن يدخلهم في مسائلات لو احد سمعهم فافضل اني مااكون في مجلس حش ..
حتى في حياتي اليوميه سوالف الحريم الي قالت لي قالي قالت لي قالي ماهي عندي ..
ودايما اذا وحده نقلت هرج على طول اغسل يدي منها ..

 

 

 

 

 

 

مع ذلك ..
يغطون علي اذا جا مني تقصير ويساعدوني بافكار كويسه للتدريس خصوصا ان بعضهم له 3 سنوات يدرس واحاول استفيد منهم .. والحمد الله اغلبهم كويس معي وفاهمين اني مااحب قالي قالك لان كثير قبلي في الوظيفه انطردو واستقالو من هالشي ..
صحيح فيه استهبال من البعض يعني فيه وحده كل ماتشوفني تجلس مبتسمه بطريقه بايخه يعني كان احد راسم على وجهي وجه قطه وانا مو عارفه وهي قافطتني ..
سككت كذا مره بعدها كنت  اوزع فطورنا عليها وكررتها هالحركه طول الوقفه وكنا لحالنا ..
فقلت لها لما قد بتروح تعالي ليه تضحكين فيني شي مضحك ؟
تعمدت اتكلم وهي عند الباب عشان ماتضطر توقف جنبي بعد كلامي وتسوي نفسها منحرجه او يمكن تبغى تشرد ماادري ..
طبعا قالت مافي شي وبعدها من اول ماتشوفني ابتسامه صباح وتحيه سوالف سطحيه وتقمط ..
مااحب الي يتعامل معي كانه قافطني وانا ماادري ..

 

 

 

 

 

 

الاسبوع هذا استلمت اول راتب لي ..
بعدها عرفت ليه انا اسوي هالشغله وليه اصحى الصباح من بدري وليه اضغط على نفسي ..
بدت تتوضح لي اشياء كثير واتمسكت في الوظيفه اكثر لاني عرفت قيمتها وان كانت ماديه

حبيت اغير من  وضعي واحسس نفسي اني دخلت في مرحله جديده ..
فبديت بغرفتي ..
جددتها تماما ومازلت اجددها وكلفتني اكثر من راتبي الشههري بكثير بس حسيت بامان اني مهما صرفت فيه عائد مادي ثابت ان شاء الله
وماشاء الله الحمد الله فهمت ايش المطلوب مني ..

الخميس اخر يو في هالاسبوع حضرتلي المديره اخيرا مااكذب عليكم ماكنت خايفه بالعكس استمتعت بالحصه ومااكذب اذا قلت ان اخر اسبوع كان اجمل اسبوع في الوظيفه ..
انتقدتني انتقادات كثير بس كانت منطقيه وبين كل انتقاد كانت تقولي هذي اخطاء مستجداات كلنا اخطائنا مثلك كانت ..
ماطلعت متضايقه ابدا من عندها بالعكس طلعت واخذت لي ولاخواتي غدا ورجعت لغرفتي زبطتها واثثتها ونمت هذاك اليوم وانا حاسه بالرضا...
 لانها كانت متفهمه وقالت انها حتى هي استمتع بالحصه مع انها كانت اخر حصه في اليوم وطالبات تعبانين ومع ذلك قدرت احفزهم والعبهم  لعبه في الصف نفسه ..

 

 

 

 

 

 

 

 

 

الاحد بيكون زييارتها الثانيه لي و بصراحه انبسطت لاني دايما كنت عارفه ان في طريقتي خطا لكن مو عارفه وينه بزبط والحين عرفت ..
مازلت اواجه صعوبه شوي في تقبل ان الف وحده تنادي في الدقيقه واحيانا اكون مشغولة ومنهمكه بشي لراسي وتجي وحده تمسك تنورتك تشدها او تلممس ظهرك وغيرها
وبعضهم يعلقون لامبالغه ياابله حوالي 10 مرات في الدقيقه ولو قلتي نعم تقول تعالي ..
الي يعرفني يعرف مااتقبل اسلوب تعالي روحي امسكي
ففااحاول اعلمهم بطريقه لطيفه نقول لو سمحتي .؟ او نقول شكرا او غييرها ..
مو بس لي للغير بعد ...

 

 

 

 

 

 

 

 

من ناحيه البيت مااحس تغير شي لاني مااجييب شغل الدوام للبيت ابدا الا في حاله الويك اند ..
الحمدالله بديت اتعود على صحوة الصباح اهم شي..
واجيب سجادتي اخليها في المكتب واشياء ثانيه اساسيه مثل كريم ومرطب ميك اب احتياطي ومزيل عرق وتبديله ثانيه ..

ماادري اذا هالتدوينه بتفيدكم بشي بس حبيت اكتبها لي ولنفسي قبل اي احد عشان ارجع اتذكرها ..

في الاخير اتمنى انكم ماتسالون اسئله شخصيه ماحبيت اشاركها في هالتتدوينه وتكتفون بالموجود ..

 

 

 

 

 

 

 

والله يرزقنا كلنا بايام حلوة تستاهل اننا نكتبها ونشاركها مع غيرنا يتحفز منها ..