مساء الخير ...:)
ان شاء الله كلكم تمام واموركم طيبه
تدوينة طلبتوها مني كثير كثير
ايش تاخذين من فرش زويفا وايش الي احسها اساسيه وضروريه
مو معناتها الباقي ماله فايده بالعكس لها استخدامات كثيره بالننسبه لي بس اخذت الاشياء الاساسيه
قببل ابدا ..
كل الفرش لايعلى عليها جودة ونعومه وحقت كرف
ماشفت فرش مثلها بصراحه
بعضها يبغالها عنايه خاصه لانها شعر طبيعي وبعضها عادي
فيه لكل شغله فرشه او اثنين او 5 ختى في مجموعتهم الي اخذتها..
شكله فخم وتستاهل كل ريال دفعته
انا اخذت الفرش من مجموعتهم الكامله الي هي 24 فرشه ..
سعرها تقريبا 700 وشي على ايام اخذتها
راح اكتبلكم سسعر كل فرشه تحتها مثل ماهي في موقعهم
يعني سعرها اذا بتاخذينها لحالها
اسعارها رخصيييه مره مقارنه بغيرها من الفرش مثل سيقما الي طحنا عليها
بعض الفرش عند زويفا سعرها 27 ريال مقارنه بجودتها يابلاااش
واغلى فرشه اعتقد سعرها 59 ريال اعتقد ..
صحيح عددها كبير بس مااكان عندي فرش محترمه وفي ليله كننت طفشانه
دخلت موقعهم وطلبت
موقعهم يوصلنا وتلقون تفاصيل الطلب في تدوينه سابقه
روحو شوفوها
بسم الله نبدا بالفرش الي حبيتها
اولها فرشه الفاونديشن
رقمها 104
ماتختلف عن سيقما اف 80
شعرها مرصوص رص مثل مانتو شايفين
تدمج لك الفاونديشن بدون خطوط
سعرها في موقعهم 59 ريال
ستبيلنق برش
هاذي حلوه للفاونديشنات الكريميه عامه بس احب استخدمها للبلاشرات الكريميه
او اضائات سايله وغيرها
اذا ماعندك هالمنتجات ماراح تحتاجينها
شعرها من فوق خفيف ومن تحت تسمك اكثر
فيه منها حجمين انصحكم بالصغيره افضل للبلاشرات
اما اذا للفاونديشن فخذو الكبيره
الصغيره رقمها 122
الكبيره 125
فرشه الباودر
من اجمل الفرش في هالمجموعه
فيه فرش تدخل القلب بدون سبب
هذي منها
لاني مااستخدم باودر كثير استخدمها لشي ثاني
بعد مااخلص من البلاشر والبرونزر وكل كل شي
امررها على وجهي كامل تشيل الزايد من وجهي
ناعمه وتمشي معاك بسهوله مو قاسيه يعني تحسين الهوا يدخل فيها مو مثل اول فرشه للفاونديشن قاسيه
رقمها 106
سعرها 51 ريال
فرشه البلاشر
حجمها مناسب وشعرها طبيعي فتمسك المنتج بسرعه
وتعطيك نفس اللون الي تشوفينه في الباليت
يبغالها عناية خاصه عشانها طبيعي شعرها
رقمها 127
سعرها 51 ريال
فرشه الكونتور الكريمي
جمييييييييييييييله اتعب اقول جميله هالفرشه
تجنن مع البرونزر الكريمي مثل تبع شانيل
او مع الكونتور الكريمي
بسبب ششكلها المشطوف هالشي يساعدك تحطينها في المكان الصح
ممكن تستخدمينها للفاونديشن اذا حابه اصغر هي وتوصل للاماكن الصعبه مثل حولين الانف وغيرها
اذا حابه توفرين خذيها للفاونديشن
سعرها 52
رقمها 103
فرشه الكونتور الباودر
باختصار لك في الكونتور الباودر خذيها
اذا لا ابدا لاتفكرين
ماتنفع الا للباودر لان شعرها طبيعي بينعدم بالكريمي
رقمها 109
سعرها 51 ريال
فرش الهايلايتر
فيه فرشتين كبيره لها نفس الشكل بس تختلف في الحجم والاستعمال
وحده الصغيره للهايلايتر الباودر
لان شعرها طبيعي هالشي يخليها بس للباودر عالاقل بالنسبه لي
رقمها 105
سعرها 51
فرشه تحديد الوجه
ممكن تستخدمينها للبلاشر او للكونتور الباودر
بيكون نتيجتها اخف بكثير من نتيجه الفرشه تبع الكونتور
راسها حاد هالشي بيساعدك في انك تختارين المكان بزبط وتدمجه بسهوله لك
ممتتازه واحبها جدا للبلاشر
سعرها 80 ريال
رقمها 101
فرشه الكونسيلر
الحلو فيها حجمها
كبير شوي بس مناسب لتحت العين وحتى اذا حابه تدمجين الكونسيلر على اماكن مثل انف وبين حواجبك وغيرها
افضل من الصغيره بالنسبه لي
رقمها 110
سعرها 51
فرشه كونسيلر
اذا حابه فرشه صغيره للكونسيلر وماعجبنك هذيك الكبيره اختاري هذي
رقمها 142
سعرها 35 ريال
نجي للعيون
فرشه الدمج للجفن السفلي
مخصصه بس للشدو في خط الرمش السفلي
مالها اي شغله ثانيه احس
رقمها 226
سعرها 31 ريال
فرش الايلاينر
وحده صغيره الي عاليمين عشان تفاصيل اصغر في الايلاينر
من ارررووووووع الفرش في المجموعه كلها
ماتخليك نغلطين من نحفها
روووعه جدا جدا جدا
رقمها 312
سعرها 27 ريال
اليسار مخصصه للايلاينر بس ممكن تستخدمينها للحواجب
مشطوفه وسلسله مو قاسيه
رقمها 317
سعرها 27 ريال
فرش الدمج
اذا مو غلطانه تجي معاها اكثر من 5 فرش في مجموعه الي اخذتها
بس انصحكم بممكن اثنين فقط
232 للشدو عالجفن
231 للكسره الجفن تحددها بشكل حلو
227 و228 للدمج
ممتازين جدا خصوصا ان شعرها طبيعي فبيساعدك تدمجين بسهوله ويطلع معك اللون مثل مانتي حابه
وبكذا اكون خلصت اتمنى انكم انبسطتو واستفدتو
:)
