مجموعة بريسجن كيت من سيقما + f80

السلام عليكم

تدوينة اليوم مفروض تنكتب قبل سنه كاملة لكن لاني عنيدة احيانا مااسمع كلام نفسي واطنش

مجموعة البريسجن كيت وفرشة الاف 80 من سيقما 

وصلتني قبل سنه تقريبا طلبتها من موقعهم وصلتني للبيت ايام كنت في الاحساء 

اول ماوصلتني كنت متخوفة استخدمها ..

دايما انا كذا ,,

اذا وصلني شي جديد يجلس بكرتونته لاسابيع وشهور ماافتحه 

لحد مااحس اوك خلاص عاد استخدمية يارباب

اكيدد الكل عارف عن الاف ثمانين كيف انشهرت شهرة مكتسحه والكل يتكلم عنها لما شفت انها مجرد دعاية كانت قد وصلتني

فحسيت انه انلعب علي ورميتها في اخر الدولاب 

قبل شهر بديت استخدمها واستخدم المجموعة كامله

اول شي بتكلم عن البريسن كيت ...

تجيك مجموعة من خمسة فرش للعين 

تنفع في الكونسيلر ودمجه وتستخدمينها ممكن للكونتور الكريمي او الاماكن الصعبه مثل زوايا الانف 

راح اتكلم عن كل وحده وايش استخدمها فيه ..

ممكن تستخدمينها نفس استخدامي ممكن تغيرين شي راجع لك 

اول شي مجموعة البريسجن كيت لها اختصار ال p 

والوجه تكون f 

ومجموعة العين تكون e 

يعني اي رقم بقوله في هالمجموعة اعرفي ان وراه p 

واي فرشه تشوفينها في الموقع لها نفس الحرف اعرفي انها من المجموعة 

اول فرشه 

p82

هالفرشه تجي اطرافها مدورة 

مدببه يعني 

احب استخدمها للبرايمر تبع العين 

جربت استخدمها للكونسيلر بس ماحسيتها تعطيه حقه 

ومو مرنه في الشكل مثل غيرها لانها مدببة 

فرشة p84

هالفرشه عششششق عشق عشق مااستخدمت غيرها للكونسيلر من وقت مااستخدمها

الحلو فيها انها مشطوفة ومايلة بشكل حاد هالشي يخليني استخدمها للمنطقه الي من جوا العين قريب من الانف

وخصوصا اذا انتي مثلي تحبين تسوين عينك قبل الفاونديشن 

ممتازة للزاويه الداخليه للعين وحتى من تحت الرمش السفلي اذا ميلتيها ودمجتيه مستحيل تخطط لك 

فرشة p80 

مثل ماانتو شايفين لها نفس شكل الاف 80

فلات مسطحه هالشي حلو للدمج فمااخليها الا لدمج الكونسيلر في مناطق الوجه يعني اذا بغطي حبوب او حولين الانف

واستخدمها عالانف بتحديد ادمج الفاونديشن بحيث مايبان المسام وتدخل فيها

فرشةp86

هالفرشة خياليه احبها كذا مدري ليه بس شكلها يفتح النفس ولها الف والف استخدام 

ممكن تستخدمينها لددمج الكونتور تبع الانف

او تحت العين او توزعين بودرة تثبتين فيه الكونسيلر وغيرها كثير

انا عن نفسي استخدمها للبودرة وتثبيتها تحت العين واحيانا احط فيها كونتور البودرة عالانف

فرشة p88

هذي الفرشة ممكن تستخدمينها لكل شي 

ادري قلت هالجملة عن كل الفرش بس بصراحه كلها جميلة وكلها لها استخدام مختلف عن الثاني

هذي حادة ومشطوفة بشكل قوي مو مشطوفه بشكل مدبب مثل الي قبل 

ممتازة للحواجب اذا ابغى انظفها بكونسيلر 

ولزاويه الداخليه للعين 

لاي شي يبغاله دقة هالفرشة ممتازة له 

في الاخير هالمجموعة دايما تريحني عن الفرش الباقي 

مو كلها استخدمها في نفس الوقت اكيد

لككن اذا وحده مو نظيفه او اذا احس ان الفاونديشن او الكونسيلر مو طايعني ومو ماشي معي هالفرش تنقذني 

فرش جدا جدا رائعة وشعرها ناعم جدا جدا جدا 

وغسلتها اكثر من مره ماطاحت

وللمعلومية نفس الشكل للفرش هذي فيه منها بالحجم الكبير مثل الاف 80 

نجي للوجه طللبت بس اف 80

واتمنى اني طلبت الباقي بصراحه

f80 

باختصار اجمل فرشة جربتها في حياتي

مستحيل تخطط الميك اب 

مستحيل توزعة بشكل يبقى عالبشره

بااختصار بيرفكت

الجميل اني استخدمها مع فاونديشنات سايله وماخططتلي ابدا 

وتقدرين تبنين عليها بسهولة

يعني تحطين طبقة وتوزعينها وبعدين توزعين طبقة ثانية ماتخربها

وتدمجها بالبشرة بشكل مايبان انك حاطة طبقة على وجهك

كثير كتبو عنها ومدحوها وكل الي انقال فيها تستاهله

اول مرة استخدمتها ماحبيتها بعدها ماعاد استخدمت غيرها 

سعرها مع بعض ب400 ريال وشي 

طبعا اختلف الحين تماما





اذا بنصحك بفرشة للوجه ووفرشة للعين 

انصحك بفرشة f80
والكونسيلر e84
 مفضلتي ومااستغني عنها ابدا
طبعا ماراح تحتاجين الكيت الكامل كله لكن انا احب ادلع نفسي