السلام عليكم
مو من عوايدي انزل في المدونة موضوع قصير بس حبيت اككتب عن هالشدوات لحالها
شدوات ميك اب قيك
ماشفت احد كتب عنها فحبيت اني اخذ راحتي واجربها مزبوط قبل احط اول شي بتقرونه عنها
الشدوات هذي لوحده يوتيوبر اسمها مارلينا
كانت فكرتها انها تسوي شدوات رخيصه بس فنفس الوقت جودتها تنافس ماك
واحسها نجحت بالرغم اني مااعرف شدوات ماك
بس مع هالشدوات مااعتقد بشتري من ماك ابدا
مقارنه بالسعر هذي ولاشي سعرها مقارنه بماك يعني اللون الواحد من ماك تاخذين من ميك اب قيك 3 الوان بقيمته
وماك مصخوها كل شوي يرفعون السعر
طيب نجي للالوان
اخذت مجموعة المبتدئات لان ماعندي شدوات كثير ومااحبها فحبيت اخذ شي فيه الاساس
مارلين مختارتها بنفسها
وبصراحه جازتلي فكره اني انا اختار الباليت بنفسي واني انا اختار الالوان الي تعجبني بدل مااشتري باليت وانغصب عالالوان الي فيه عشان لونين حلوة
المجموعة فيها 9 الوان
فيها الوان ترابيه وموفيات واسود بس مافيها سيلفر او فضي والوان
جودتها ممتازة ممتازة ممتازة ممتازة
نفس اللون الي تشوفينه في العلبه او البان تلقينه في عينك
ماتتنااثر ابدا ماعادا الاسود الي اسمه كوربت
فانتبهي لهالنقطه
كريمي واسود اسود لون شفته
ماسويت سواتشات للالوان لانها ماراح تبان عالطبيعه فاخذتها من موقعهم
اكثر شي استخدمته وحبيته الي هو ثاني واحد من اليمين
وخامس واحد من اليمين
كوكو بير بني محمر احطه على كسره العين
وكريم بورليه احطه باصبعي على الجفن كله
اذا لونك فاتح راح يعجبك هاللون لانه بيفتح الجفن ويخليه منور وكسره العين راح تعطي شكل للعين حلو بس هادي
هذا اذا تحبين الشدوات في العمل او الصباح حطيهم ماياخذون وقت ويطلع لوك متعوب عليه
كل اللونين مات فمناسبه للصباح
اما اذا حابه انك تحطين شيمر او لمعه مع هااللوك
استخدمي في مدمع العين قلامورس
ثالث واحد عاليمين
واذا تبين تغمقين العين وتعطينها عمق اكثر او شكل سموكي استخدمي في الجزء الاخير من الجفن موكا
رابع واحد عاليمين
بكذا عندك لوك مسائي وصباحي
بالنسبه لاول لون استخدمه هايلايت لعظمه الخد والوجه عامه وممكن تستخدمينه تحت الحاجب او في مدمع العين
ناااعم مرة ويلقط الضوء بطريقه ناعمه
اللون الثاني والثالث والرابع من اليسار احسها تنفع مع بعض اكثر شي
بس باختيارك
فيها 4 الوان شيمر و 5 مطفيه
سعر المجموعه 187 ريال بس
بدون زي باليت
برضو طلبت كذا لون ناقصه الي هي السيلفر
اسمائهم :
mercury
graphite
galaxy
moondust
كل الي اخذتها شيمريه بس ناعمه مو كانها قليتر يلمع
مون دست اعجبني كثير وينفع لحاله على الجفن كله سعر البان الواحد 22 ريال
ويوصلون دايركت للسعودية ويقبلون فيزتنا لكن انا اخذتها من متجر عبير
على فكره لازم تشترين زي باليت تلقينه في نفس موقعها متوفر بحدود ال90 ريال
وفيه منه احجام
وبرضو تلقين عندها فرش كثير يقارنونها بسيقما وبرضو منتجات نيكس متوفره في موقعها وبيوتي بلندر ورموش اعتقد
اكتبي في قوقل makeup geek store
وبيطلعلك
اذا انصحك تاخذين شي خذي الستارتر كيت الي هي المجموعه راح تفيدك كثير وسعرها ارخص من انك تشترين 9 شدوات منفرده
بعدين اذا اعجبتك ابدي كوني الباليت حقك بالالوان الي تبينها
وبسس
مافي محلات توفر هذي الماركة؟
ردحذفتشكرات جميل من اول افرفر فيه ادور باليت مالقيت
ردحذف