السلام عليكم ...
سئلتكم الصباح اذا حابين روتين الصباح
للمعلوميه الروتين هذا مو كل صباح فقط في الصباحات الي رايقه فيها او نايمه كثير وهذا شي نادربحيث الدهون اتكاومت على وجهي او اكون رااااايقه
المهم
اول شي احيانا يكون وجهي عادي وواحيانا ممدهن واحيانا جاف
اذا صحيت وبشرتي كانت مرتاحه
استخدم نيتروجينا الي عاليمين
يوازن الدهون وماييجففها وفنفس الوقت ينظفها
ممتاز جدا حبيته
اما اذا حسيت انها جافه وهالشي كنت اعاني منه بس حاليا صار نادر اذا مو معدوم بعد ماستخدمت مجموعه فيتامين أي ممن بودي شوب تكلمت عنها في التدوينه السابقه اذا ماشفتيها طلي عليها
استخدم الي في الوسط بالشوفان والعسل سكرب يرطب بشكل مو طبيعي واحسه يشيل الطبقه الباهته
اما اذا صايره عليها طبقه دهنيه استخدم الاخير
بالنعناع والليمون ممتاز يشيل الدهون وينظف المسام
بعض متاجر الاون لاين يقولون انه ماسك بس هو سكرب
انجي بعدها للماسكات
احيانا استخدمها مع بعض واحيانا كثيره لحالها
التفاحه احبها جدا واحب استخدمها الصباح
هي مثل الكريم تحطينها عكس المسام ومادقق في امتصاصها للبشره يعني عادي يكون البشره بيضاء منه لانه دقايق وتمتصه
بعدها اتركيه عالبشره حق عشر دقايق او ربع ساعه وابدي افركي وجهك باصابع جافه
وراح يتقشر ويقشر معاه جلده الميته
وبعدها اشطفيه بمويه فقط وجففي وجهك
احيانا اذا انا رايقه احط ماسك افون واتكلمت عنه كثير
واذا لا انتقل للي بعده
التونر شي مااستغني عنه
احب شي لقلبي من كليراسيل احسه ينظف من قلب والي من فارمسي كنت استخدم الي بليمون لكن هذا يادي الواجب
بعد ماتجف استخدم تونر الي عاليمين بشكل طبطبه من يدي
مثل المويه ويبرد ويرطب في نفس الوقت
ماتتخيلون كميه الوساخه الي تطلع مع انك حاطه ماسك ومنظفه بشرتك مزبوط
الترطييب الخطوه الاخيره
اتكلمت عنه في التدوينه الاخيره
وبس
ليست هناك تعليقات:
إرسال تعليق