االسلام عليكم
بوست اليوم اغلبه سوالف وبتكلم عن حجات يمكن اتكلمت عنها في الانستا
عن البشره ومشاكلها
الحمدالله انا ماعانيت من حبوب الشباب بس تجي فتره تطلعلي حبوب دهنيه بسسبب اكلي مليان بهارات وزيوت
لكن اذا اهملتها احسها تززيييد واذا انتبهتلها بزياده احسها تضايقني زياده
فصرت اسوي روتيني اليومي وانسى عنها
اول حاجه لازم تعرفينها ان فيه روتين لليل وشي للنهار
يختلف من وحده لثانيه
ويختلف مني انا نفسي على حسب مزاجي
في ايش يختلف ؟؟
مجموعه النهار بتكون اخف في التركيبه وترطيبها ووبعضها يكون في نسبه واقي شمس
اما بالنسبه لمجموعه الليل تكون اكثف في تركيبتها وممكن تزعجك بعضها باحساس التدبيق
لان الغرض منها ان بشرتك تستفيد من الي حاطته عليها وقت ماانتي نايمه
بالنسبه لي مر وقت طويل على استخدامي للهالمجموعه من بودي شوب
اهم شي عندي يكون شي لليل ونهار والعيون
هذي اهم شي في المجموعات الباقي تقدرين تستغنين عنه
ممكن انصح في تونر بس مو شرط يجي مع المجموعه نفسها
اذا عند ميزانيه محدده خذي من بودي شوب بس قبل تاخذينها خذي عينات وشوفي اذا بتناسبك ..
كلفتني هالمجموعه تقريبا 250 بس
نصرف اكثر منها في حجات مالها اهميه
اذا عندك فلوس وماعندك مشكله تحطينها في كريمات وهالشي اشجعه خذي مجمووعه من ديور هيدرا
للبشره الجافه وعندهم مجموعه ثانيه للبشره الدهنيه
وفيها كل شي ممكن تتمنينه ..
سواء للعلاج او تجميلي ..
كونسيلر يعالج وواقي وبي بي وحجات كثير كثير كثير
سعر المجموعه الفين وشي
بالنسبه لي روتيني الصباحي احيانا اسويه واحيانا اصحىى ضايق خلقي مالي نفس لشي
لكن احاول ماتركه يومين ورى بعض
نادرا ماغسل وجهي بسكرب الشوفان والعسل لان وجهي احيانا يكون مشدود من الجفاف واحيانا مدهن من كثر مانمت
واذا كان عادي وهذا الافضل انك تغسلينه بغسول رغوي ..
لان البشره تفرز افرازات مفيده لها وقت النوم فلاتشطفينها على طول وبشي مره قاسي عليها ..
اجففه بمنشفه وضروري تستخدمين منشفه افضل من المناديل الي تترك اثار على وجهك
قريت مقال انها تترك رواسب عالوجه مانشوفها وهالشي يسد المسام ويتعب البشره
وخلي منشفتك تجلس في الشمس فتره عشان تقتل الجراثيم لان اهمالك لها بيسبب لك مشاكل وحبوب ويجي عكس الي انتي تبغينه
بعدها استخدم التفاحه قد اتكلمت عنها في المدونه قبل
احب استخددمها قبل أي ماسك عشان استفيد مزبوط منه ..
بعدها استخدم الماسك الي حابته ..
مكن الشوفان والعسل من بودي شوب يرطب بشكل حلو
او الذرة الزرقاء من بودي شوب تنظف المسام بشكل مو طبيعي بس اغلب الوقت اخليها اذا حطيت الميك اب
او اذا طلعت واحس وجهي مغبر ..
او آيفون ممتاز هالماسك اتكلمت عنه كثير ومااحس وفيته حقه والحلو اخذته ب30 وشي
ينعم ويشيل الخشونه من منطقه الانف الي تكون عندها مسام
ايا كان الماسك الي تستخدمينه حطيه على بشره نظيفه وجافه
وحطيه عككس اتجاه المسام
تظمنين كذا انه يدخل فيها بشكل كويس
مو شرط توقفين يومك وانتي حاطه ماسك
اغسلي ملابسك او قلبي في جوالك او رتبي غرفتك
انا وانا اكتبلككم المدونه الحين حاطه ماسك الشوفان
اذا شفتي انك لازم تنتظرينه يخلص ماراح تحطينه
ماتحبين تحطين ماسكات؟
جربي لصقات الكولاجين او ماسكات الجاهزة الي تحطينها عالوجه وقت وتخلينه يمتص
احب استخدم تبع الانف والدقن والعين منفصله احسن من ماسك عالوجه كامل
مهم جددددا يكون عندك فرشه تنظفين فيها وجهك
ماعندك ميزانيه تاخذين فرشاه الي مدري ايش اسمها راح عن بالي الي تشتغل من نفسها
خذي من بودي شوب فرشهم تنظف مزبوط خصوصا بعد الميك اب بتنصدمين من كميه الميك اب الي في المسام بتطلع منها
الي فوق عاليمين ماكنت القى لها استخدام والبنات قالولي للماسكات وبالفعل ممتازة للماسكات ريحتني مره
الي عاليسار ماتنفع للاستخدام اليومي او للبشره الحساسه
تقشر وخشنه شويه
انا احبها اذا مره مدهنه او بعد يوم طويل برى احسها صدق تنظف
الفرشه الدائريه
بعد الميك اب لامبالغه يوصل الميك اب فيها لما انظف وجهي لنص الشعيرات الي فيها هذا وانا ممسحته مزبوط
فلاتعتمدين عالتمسيح وغسل بيدك وبس
هالشي بيكتم البشره وتسبب حبوب وفي الاخير يتحفر وجهك كانك من ممثلات الكويتيات الي ننصدم من بشرتهم
ايش الفرق بين التونك والتونر .…
التونر هو اسم العام للاشياء هذي الي تنظف ..
يعني سائل تنظيف المسام
وتونيك تندرج تحت اسم التونر ..
.… فيه ٣ انواع .. .
منها التونيك .. هو اشهر انواعها لانه خفيف بس ينظف بعمق بدون ماياذي البشره .…
فيه نسبه كحول بسيطه من ١٠-٢٠ ٪
يناسب جميع انواع البشره .… .
الفرق بين الاثنين انسأل عنه كثير
هل يوسع المسامات هل يصغرها هل يخرب البشره
عن تجربه فارمسي وكليراسيل من اجمل تونيكات الي استخدمها مع الاستخدام يصغر المسام لانه باختصار ينظف المسامات باختصار
حطيه بعد الغسول ومهم مهم مهم بعد الميك اب حتى لو غسلتي وجهك بفرشه ماراح تصدقين ايش الوساخه الي بيطلعها
بيجفف وجهك فلازم بعده ترطبين وجهك
بالنسبه لي استخدم 3 تونيكات
فارمسي وكليراسيل مع بعض بعد ماتجف احط تونيك فيتامين أي من بودي شوب يبرد البشره ويخفف جفافها حتى استهلاك المرطب بعده مايكون مره مره زي لو اني تركته وماستخدمته
وحتى بعد الماسكات استخدميه
ببساطه من اهم الحجات الي تحتاجها البشره عشان تنظف
مهم برضو يكون عندك بخاخ الوجه تستخدمينه اذا حسيتي بالجفاف او حتى حسيتي ميك ابك بدا يبهت او يغبر
فيه فيتامين أي من بودي شوب البخاخ هذا احلى بخاخ استخدمته
الي في الصورة كوري استخدمه اذا حسيت وجهي جاف
اخر شي اذا انتي تعانين من حبوب في وجهك انصحك بهالشي
جل الصبار ممتاز جدا فيه ترطيب بس يقشر الحبوب بشكل فظيع
ماينفع تحطينه اذا انتي رايحه للجامعه او بتطلعين في الشمس او حتى بتحطين ميك اب لانه يقشر مره
برضو يرطب يعني مايخليك مره متقشره وناشفه
في الاخير يمكن تشوفون انه كثير حجات تسوينها عشان بشرتك بس انا عن نفسي اتعودت وصار روتين 3 مرات اسويه
وقت الصباح اول مااصحى وقت المغرب بعد ماتوضئ وقت الليل قبل انام ..
احط مويه تغلي واروح اغسل وجهي وارجع اسوي نسكافه واخليها تبرد لحد اخلص من كريماتي وبعدها تزبط الجلسه
اذا ماهتميتي بشرتك صدقيني مهما كان ميك ابك غالي راح يبان شي مقرف وبتتنكدين
فسويلك روتين وابدئي براحتك ...
برضو حاولي تريحين نفسك الراحه النفسيه لها اثر كبير على بشرتك واكلك برضو ..
أزال المؤلف هذا التعليق.
ردحذفاستفدت من التدوينه وحطيت كم شي على اللسته احتاجه
ردحذف