السلام عليكم ..
زماان عن التدوين والمدونة ...
جدا اشتقت لها .....
المهم موضوع انطلب مني كثير كثير كثير
وشي انا اعاني منه والحمدالله لقيت الحل
سيلولايت ...
بالمختصر بدون مصطلحات طبية السيلولايت هو لما يكون الجلد مش املس او احيانا اذا لمسيته تحسين فيه انتفاخات زي الكور الصغيره او يشبه جلدك قشرة البرتقاله
عن نفسي كنت اعاني من ابشع شي اذا لمست جانب فخذي من الاعلى احس كان فيه انتفاخات بسيطه :(
شي مرة كان متعبني :(
كيف حليته ؟؟؟
اول شي سويتة قطعت الشيبسات والبطاطس
اغلب المشاكل والدهون من هالاشياء المقرمشة مع انها لذيذه ...(
الببسي والغازيات برضو مع انها كانت صعبة بس اتسهلت ومن وقت مانقطعت عن هالشيئين
نزل وزني كثيررررررر
الشي الثاني الي ساعدني كثير الرياضه ..
غير انها ساعدتني انزل وزني
الا ان نفسيتي تحسنت كثيررر
انشغلت عن التفكير والمضاربة مع نفسي :)
المهم اكثر شي اسوية مشي والدراجه ( سيكل )
هالشيئين ساعدوني ينرسم جسمي ويخف السيلولايت بشكل كبير تقريبا 40%
والموية اتعب اقولكم الموية غيرت حياتي بالتمام ..
اقل شي اشربه ليترين
بشرتي تحسنت كثير كثير كثير
اخر شي بعد الرياضه استخدم فرشه الجسم الجافه
شعراتها جدا قاسية وماتستخدم وبشرتك رطبة او فشور
تستخدمينها قبل الشور على جسمك كامل بشكل خفيف مره لانها جدا خشنة
يشيل الجلد الميت وينشط الدورة الدموية ومنها تخفف السيلولايت
عن نفسي استخدمها بعد الرياضه مباشره بشكل دائري على الجسم كامل باتجاة القلب
من فوايدها مو بس تنشيط الدورة الدموية في الجسم
برضو تساعدك في ازالة الشعر الي تحت الجلد
وتشيل الجلد الميت تخلي البشرة جدا ناعمة وتستقبل اي كريم تحطينة بعدها
بالنسبة لي صارت شي ضروري واساسي
عشان اقطع الوقت وماامل وانا اسويها
اشغل مقطع يوتيوب او اتابع شي
تقريبا ادلك جسمي فيها لربع ساعه بعدها ادخل اتروش
الشور استخدم مقشر فرانك عالاماكن الي اعاني منها من السيلولايت
اتعب اقول هالمقشر يجنن احبه حب مو طبيعي
الي عندي بالنعناع واوريجنال
راح اكتب عنه بالتفصيل في تدوينة منفصله بطريقة الطلب
النعناع ممتاز جدا حبيته وريحته جدا جميلة
يعطي نعووومة مو طبيعيه ابدا بس اذا استخدمتي بعده شور جيل تروح هالنعومه
طبعا احطه ونفس الشي على جسم رطب بحركات دائرية على كامل الجسم واتركه وانظف شعري واحط ماسك لحد تمر اقل شي 5 دقايق
اخر خطوة االترطيب ..
عن نفسي استخدم مرطب من بينك ( اللازرق عاليسار )
من فيكتوريا سيكرت ومناسبني بس مو قوي جدا فترطيبه
الافضل زبده شيا او شي طبيعي تلقين نتيجه اكبر
للاسف اانا ماعندي ومتعيجزة اطلب :(
الروتين هذا ماكنت اسويه كل كل يوم ممكن يومين ايه ويوم لا
يعني على حسب المزاج ممكن اغير
ممكن استخدم فرشه الجسم وارطب بعدها مباشره
المهم عندي الفرشه الجافه لازم كل يوم ..
النتيجة بتلقينها بعد اقل شي اسبوعين لشهر
ومجرد ماتوقفين هالروتين راح يرجع السيلولايت مثل اول لااكثر اواقل
عن نفسي استمريت عليها لحد اسبوعين وجدا لقيت فرق
للاسف بسبب السفر انقطعت عنها ورجعت
ياخي اعششششقك
ردحذفاريد اطلب ميكب بس كيف اطلب ماعرف عنكم رقم او أميل او موقع بليززز خبروني
حذفالفرشه عندي ومن الكسل ساحبه عليها حمستيني ارجع استخدمها
ردحذفجزاك الله خير
ردحذف