مشتريات باث اند بودي وركس + فيكتوريا سيكرت ... Haul BBW & VS

السلام عليكم .....
شخباركم..
ان شاء الله تمام مع نهاية الاجازة وتوديع الصيف ...:)

زمان مانزلت تدوينة الي يتابعني في السناب والانستا يعرف السفرات المفاجئة والانشعال مع رمضان وغيرة


المهم تدوينة اليوم عن مشتريات باث اند بودي وفيكتوريا

 

 

بالنسبة لي ماهو موجود باث وفيكتوريا في نجران

فاستغليت الفرصه في تخفيضاتهم واخذت اغلب الاشياء الي كنت ابغاها

واشياء مااعرفها اصلا بس اعرف اني ماراح ادخله قريب بسلامتي وخصوصا فوقت تخفيض

اخذت الاغراض من اسبوع بس ماحصلي وقت اصورها وانزلها

فمااعرف اذا التخفيضات باقي او لا

 

 

 

 

 

 

سوري اذا مااعرف اوصف الروايح بس بقولكم على وصفها كما هو مكتوب في العلب تبعها

 

نبداء بباث اند بودي

 

 

 

 

قصه قصيرة

اكثر شي معروف عند باث اند بودي شموعه

رحتلهم وانصدمت من روايحهم

توقعت انها عطور ونظافه وروايح تاخذك شو رايق

لكن طلعت ريحتها قويه جدا لدرجه مقرفه

جد زعلت :(

روايحهم غريبه يعني هاواي وملح بحر وجوز هند الي اصلا ماحبه ومعاه شي ثاني

فيه اشياء ثانية حلوة بس انا دخلت بتوقعات كبيرة من كثر مااقرا انها روعه وعند الكل

شكل البلا فيني ماحبيتها

حتى  الاسترخاء المعطر حق الفراش ريحته قويه مره كانة شي حامض او معفن مدري كيف اوصفه

مع انهم قالوا انه يخليكم تسترخيم وكثير مدحوه بس اول ماشميته وخرتة عن خشمي لابعد مسافه ممكنه

يمكن الاشياء الي مو مخفضه حلوة بس ماجربت كل شي للامانه فاكيد فيه اشياء احلى بس حظي ماش

وحاسة بالذنب لاني كنسلت طلعة اخواتي عشان ننزل لمول العثيم

لانه موجود في العثيم ابن خلدون في الدمام مااعرف عن الباقي

مع انهم اخذو حتى هم منه

كان فاضي جدددددا لاني نزلته الصباح ماكان فيه احد غيري وتوهم يرتبون اشيائهم فنصيحه انزليلهم هالوقت

 

 

المهم نبدا بشموعهم

 

 

 

نزلت مخصوص عشانها ..

احترت كثير من كثر مااشم وصدعت من روايحهم الشينه فقلت للهندي الي يشتغل

اعطيني احسن شي عندك ايش افضل شي ينباع عندكم

 

 

اعطاني

 

 

 

وبالفعل ريحتها حلوة زهر بري او ليلك مثل ماهو مكتوب 

 

عيبها مالها غطاء

 

 

ريحتها ريحه الزهر هذا الي مدري ايش اسمه :)

ريحتها حلوة بس مو لدرجه انها افضل شي عندهم مدري

 

 

سعرها بعد التخفيض 45 بعد ماكانت ب95

هذا الحجم الكبير اما الحجم الوسط اعتقد سعره 35

والصغير 25

بعد التخفيض

 

 

 

 

الثانية بالخوخ

 

 

 

 

هالشمعه  من اجمل الشمعات الي شميتها من عندهم

اعشششق الخوخ وريحته مرررره

ذكرني بزبده الخوخ الي من بودي شوب

ريحته باردة ورايقه

 

 

اذا تحبين هالروايح اكيد بيعجبك

 

 

سعرها 95

 

 

 

 

 

 

 

هالشمعه حيرتنا كلنا بريحتها

عشب على تفاح اخضر على ريحه غريبه اعجبتني جدا

 

 

 

 

 

 

اخر شمعه ريحتها كانك في مخبز كرسبي كريم :(

ريحه دونات بالقرفه ..

ريحتها تجنن والقرفه واضحه جدااا

 

 

 

تقريبا هذي الوحيده الي اخترتها وحسيتها حلوة

اكيد عندهم افضل بس ماحبيت اجازف واشم اكثر

 

 

 

 

 

برضو اخذت معقمات

 

 

 

 

ريحتها زهر وورد واشياء لطيفه

توي اعرف فيه منها غسول يد اتمنيت اخذته سعر الواحد 10 ريال كان ب15

 

 

 

 

اخذت مرطب

 

 

 

بصراحه اخذته بس عشاني شفته في موقع نوردستروم

 

اعتقد انه مرطب لاني للحين مااستخدمته :)
مكتوب عليه للشفايف والكيوتكلز ووالركبوالاكواع

تقريبا للمناطقه الجافه كلها يعني

 

حجمه معقول يناسب الشنطه

 

 

سعره ب15 كان ب35

 

 

 

قلوس

 

 

 

 

 

 

اتوقع انه قلوس لانه مكتوب ليب شاين :)

احد مثلي ياخذ بس عشانه تخفيض اشياء مايعرف وش اصلها

:)

 

اذا احد استخدمه يكتبلي في الانستا بليز

سعره 15 قبل كان 35

 

 

 

 

من مجموعتهم اخذت وحده بس مع اني احب مجموعاتهم

 

 

 

 

اخذت مجموعه ليليز او زهرة الزنبق

 

ريحتها مو طبيعيه زهر على عطر شي رايق

بالنسبه للشور جل عندي من مجموعه ثانية وماحسه ينظف ولايمسك ريحته

فاحس خسارة اشتريه عشان ينغسل بدون فايده

 

الكريم كثير يقولون ممايرطب بس عن نفسي احب ريحته جدا

لدرجه الي يدخل غرفتي يسالني اي عطر مستخدمه

جدا فواحه

سعر الكريم 30 كان ب60

 

بالنسبه للمعطر

 

 

 

بالنسبه لي ابخه عالملابس بعد مااغسلها واطبقها في الدرج

وجدا جدا تمسك ريحتها بشكل مو طبيعي

كانه عطر ...

فيه عندهم عطور بس ماجربتها

سعره 40 وكان ب80

 

 

 

الاشياء كلها من باث اند بودي كلفتني 300 ريال

 

اما لو اشتريتها بدون التخفيض سعرها 505 ريال فوفرت مبلغ كويس

 

 

 

 

 

 

دخلت بعدها فيكتوريا سيكرت

مادخلته هالمحل قبل وسئلت الي موظفه هناك عن افضل الاشياء وقلتلها انها اول مره ادخل

وماقصرت يسعدها زبطتني ..:)

من جمالها احترت ايش اخذ مافيه شي خايس شميته عندهم

 

اول شي اخترته كان مجموعه فوربيدن

 

 

 

 

 

 

 

 

العطرر فخمم فخممم فخممم فخممممم تحسينه حق الناس الغاليه ..

هههههههه ادري وصف عبيط بس اعجبني العطر فاخذت المجموعه كامله

 

 

 

العطر اخذت اثنين

 

 

 

 

من جماله اخذت اثننين

بدون مجموعه راح يطلع لك العطر ب175

اما مع مجموعته سعره 220 ريال

بدون عالعطر والكريمات والاشياء الثانيه

 

 

مااعرف كم سعره بدون التخفيض

 

 

 

 

لوشن الجسم

 

 

 

 

مااعرف عن ثباته بس ريحته نفس ريحه العطر

سعره 50 ريال

 

 

 

 

معطر الجسم

 

 

 

 

اول شي اعجبني جدا جدا شكله

وريحته فخمه جدا

المجموعه نفسها روعه

 

سعره 65 ريال

 

 

 

 

 

 

 

اخذت مجموعه ثانيه كان عرضهم 5 قطع من مجموعات معينه ب 220

يعني القطعه الوحده ب40 ريال

سواء المعطرات او اللوشنات او الاشياء الثانيه

كانت الرفوف مليانه جدا

 

اخذت المجموعه كلها تقريبا لوشنات ماعدا معطر فقط

 

 

 

 

 

 

 

روايحها حلوة جدا جدا جدا

تحتارين من جمالها

 

 

 

 

شير لوف

مكتوب ريحتها قطن وزهره الزئبق

تبكي بااختصار من جمالها

سعره 40 ريال

 

 

 

 

 

بيور داي دريم



 

بزهره الاوركيد

 

 

 

 

 

باشين سترك

 

 

 

ريحته بافانيلا والفيجي بس مو قوي ريحته الفانيلا لاني مااحبها

 

 

 

توتال اتراكشن

 

 

 

ريحته بالكرز والزنبق

 

 

 

 

 

اواخذت بخاخ للجسم واحد فقط

 

 

من نفس مجموعه شير لوف

 

 

 

 

 

 

 

 

 

 

وبعدها اخذت مجموعه من بينك

عرضهم 3 اشياء سواء مقشر او كريم او اي شي معروض

ب 200 ريال

 

 

 

 

 

اخذت مقشرات منهم

وكريم لاختي

 

 

 

وبسس

 

 

 

 

 

 

اتمنى اكون اعطيتكم فكرة للاشياء ممكن تشترونها وسوري اذا التصوير ثابت او علة نمط واحد

واشوفكم قريب ان شاء اللله