السلام عليكم ..
اتمنى كلكم طيبين واموركم تمام ..
تدوينة اليوم عن روتين الفاونديشن وسئلتكم اذا حابين فل فيس قلتولي ايوه فعشان كذا قررت انزله
فيه اكثر من روتين واكثر من طريقة واتمنى تلقون الي يناسبكم ويناسب نوع بشرتك واهتماماتك
ببدا بالمنتجات الي استخدمها بالتفصيل ثم اقولكم اي منتج ينفع لاي لوك والفيس كامل
ان شاء الله فهمتو علي
أول شي البرايمرات
كثير يعرف ان البرايمر يساعد في ثبات الميك اب وغيرها
من اليمين بخاخ من ماك كانه مياه معدنيه يرطب البشره بس مايثبت الميك اب
برضو فيه بخاخ من بودي شوب فيتامين ه بتشوفونه في الصور تحت
هذا يرطب ويعطي لمعه حلو ويثبت ممتاز جدا جدا جدا
بعده من ماك ستروب كريم
ينفع للبشره الجافه يعطي لمعه ويرطب بس مايثبت
اعطية اختي الصغير اسوم تستخدمه معي اذا حابه تحط شي لاني مو حابة انها تتعب بشرتها
اخر شي البورفيشنال من بينفيت
يصغر المسام بشكل مؤقت لكنه على المدى البعيد يسبب بتوسعها هذا الي سمعته
لان فيه ماده السيلكون ماينفع للاستخدام اليومي لانها تمنع البشره من انها تتنفس وتسوي طبقه عليها
يجفف البشره ممكن يتقطع معك الفاونديشن اذا انتي من ذوات البشره الجافه
استخدمه في الايام الي تعبانه بشرتي ومسامي واضحه ولازم بعده مرطب
الشي الثاني البي بي كريم
جربت انواع مختلفة واكثر شي اعجبني وصار اساسسي عندي الي هو من بودي شوب
اول واحد على اليمين
تغطيته خفيفه جدا لكن يعطي الوجه نور مو طبيعي
عيبه درجاته قليله من صفر ل3 وافتح شي ال1 وبرضو علي غامق
اذا عندك بشره فيها عيوب ماراح يناسبك
يناسب كل انواع البشره
الي بعده في الوسط البي بي كريم الكوري من ميشا
هالبي بي اول بي بي قد طلع في الحيا
كنت مبسوطه فيه اني اخذته ومازلت
تغطيته متوسطه ممكن تبنينها لفل
درجاته ممكن يناسبك 23 او 27 لان الباقي تناسب الكوريه
اول ماخذته انصدمت من الون بس بعدها بيبدا يتاكسد ويغمف وياخذ نفس لون بشرتك
ماينفع تحطينه وتجرين لمناسبه
ثباته ممتاز اداوم وارجع ماتحرك بدون اي برايمر
يناسب البشره الددهنيه لمختلطه
سعره 100 ريال من الانستا
الي جنبه الاسود نفس كل شي بس لبشره الجافه
يعطي لوك فيه لمعه بينما هذاك يعطي لوك المطفي
ماادري كثير عنه باقي اجربه
سعره 100 ريال
الفاونديشن
ديور عاليمين باقي يبغالي اجربه اكثر
فاونديشن برجوا هيلثي مكس
يناسب البشرات المختلطه للجافه يعطي لمعه حلوه
تغطيته متوسطه
مايبلين فيت مي
تغطيته خفيفه لمتوسطه وتبنين عليها
يعطي لمعه حلوة الفرق بينه وبين برجوا ان هذا شوي سايل هذاك ماسك نفسه
ينفع البشره الجافه للعاديه
الكونسيلارات
من اليمين ايج ريوايند من مايبلين
تغطيته متوسطه مايخطط ويشد المنطقه
رول اون من قاونيه
انقطع للاسف بس نزلو شي جديد منه فماراح اتكلم عنه بس ممتاز هالنوع
فيت مي درجه 25 ممتازة جدا في الكونسيلر وفيها اورنج ينفع السواد تحت العين
تغطيته خفيفه يخطط ولازم تثبتينه
ماك برو لونق وير فل كفر مايستخدم كل يوم
مايخطط بس لازم اثبته
سعرهم يتراوح بين 60 ريال ل123 ريال مااتذمر مزبوط
نجي الحين للروتين الي يختلف على حسب كل حال
لان بشرتي تتغير ويوم بيوم لازم اشوف لها حل
الاياك الي تكون بشرتي فيها جافه جدا وباهته
ارطب وجهي بدايه بستروب كريم عشان يترطب شوي
بعدها اوزع فاونديشن فيت مي يعطيني اضاءه حلوه تشيل البهتان عن وجهي
وعلى حسب احتياجي احط طبقه ثانيه
بعدها استخدم برولونق وير لان دايما اذا تعبت هالاتي توضح اكثر فاحتاج شي يغطيها بالمره
اثبت حواجبي بجل شفاف من بودي شوب يثبت الشعر ويرتبه
ولحد ينشف احب ارسم عيني كات اي خفيف بكحل ميك اب فورايفر ولاني الحمدالله ازبطها من اول مره ماتتعبني
ومن جوه العين استخدم كحل نود فاتح يوسع العين ويبيني مصحصحه
ومسكره كثيفه
بعدها ارسم حواجبي ببودره انستازيا
ثم انزل للكونسيلر اذا خف مع الشغل الي سويته ارجع احط منه واثبته ببودره لورا ميرسييه
بالعاده اخر خطوه الكونسيلر افضل عشان مايخرب ويخف
الخدود استخدم البلاشر الي من اربن ديكاي فلشد
فيه برونزر وبلاشر وهايلايتر استخدم بس بلاشر واحيانا هايلايتر
والبرونزر صاير اساس عندي وعشقت الهوني برونز من بودي شوب رقمها اربعه
واخر شي ابخ من سبراي ماك وبالنسبه للشفايف على حسب المزاج
احطه على خدودي كامله وعلى كسره الجفن تعطيني دفى مع لمعه الفاونديشن
بهالطريقه تطلعين مصحصحه ووجهك فيه لمعه طبيعيه كانك نايمه وشبعانه نوم بدون اي شيمر كانك حفله
ينفع للبشره الجافه والباهته الي مافيها حياه
الاوقات الي ادور فيها ثبات ومابغى يتحرك الفاونديشن لاي مكان
هالشي صعب علي شخصيا لان بشرتي جافه ومع الوقت تبدا تتشقق
فاادور شي مفيد للبشره باقل اضرار يعني مااستخدم شي اعرف انه يكتم البشره وفل كفر
ارطب وجهي بستروب كريم لان البي بي الي استخدمه يناسب البشره الدهنيه فادور اكبر قدر من ترطيب
وبعدها ابخ من سبراي بودي شوب قبل الفاونديشن واثناء توزيعه وبعد مااخلص
بعدها اوزع كونسيلر ايج ريوايند من ميابلين قبل الفاونديشن
درجه ميديم نفس درجتي بززبط فتخفي اكثر من انها هايلايت
بعدها اوزع بي بي ميشا وابخ على الفرشه من مثبت بودي شوب
وارجع ابخه بعد مااخلص
العين اسويها نفس الطريقه مااغير شي حتى البلاشر والبرونزر
بس اخر خطوه كونسيلر فيت مي يعطي اضاءه وينور العين
احطه وبعدها اثبته ببودره لورا ميرسييه
مااحب احط كونسيلر فل كفر لان هالشي دامني مطوله بيضر بشرتي
ومايبلين معروفه انها خفيفه وماتضر على المدى البعييد
ينفع هالروتين للبشررتهم دهنيه وتدور شي تغطيه كامله
اذا كانت بشرتي مرتاحه ومبسوطه وابغى شي عادي بس
استخدم بخاخ بودي شوب
بعدها كونسيلر مايبلين وبعدها اوزع فاونديشن برجوا هيلثي مكس
بالنسبه للبلاشر استخدم رقم 4 من مكياجي جاي على مشمشي لحاله بدون اي شي
والباقي نفس ماهو
هيلثي مكس ماادري ليه لما امسح اخر الدوام مالقى فيه ششي كثير على بشرتي
ماادري وين يروح
ينفع هالروتين للي بشرتهم مختلطه لعاديه ويبغون تغطيه متوسطه
اذا حابه شي بسيط خفيف وماعندي وقت وهالشي بيناسب البنات الي مايحبون الميك اب كثير
يعني لوك كاني مو حاطه شي
هالروتين اسويه اذا كنت بطلع الليل بعد الدوام وماابغى احط شي كثير وزهقانه من الميك اب
ارطب وجهي كالعاده باي مرطب
استخدم رول اون للعين من قارننيه ممتاز وخفيف اوزعه باصبعي
بعدها اخذ فررشه كبيره واحط فيها من بوودره من ايفون
روعه ولها تغطيه متوسطه وماتبين متكتله او تجفف بشرتي على انها بشرتي جافه
احطها في كل مكان وحتى تحت العين
بعدها شويه بلاشر وبرونزر
وازبط حواجبي واستخدم داخل العين بس كحل نود
ورموش اكثفها بهالمسكره وخلاص
ماياخذ 3 دقايق بسيط وسهل
ينفع للي بشرتهم كويسه وممكن جافه ممكن دهنيه يعني اي نوع
ممكن اذا البرونزر ثقيل تبع بودي شوب استخدم هذا من ماك
هو ليمتد اديشن بس ممتاز جدا
يعطي لوك طبيعي واكثر الاوقات استخدمه مع الفاونديشنات الفاتحه او مع بي بي ميشا
اذا مستعجله ومو فايقه انتظره يتاكسد
على فكره بي بي ميشا كل ماطول كل ماصار احلى
الفرق بين البرونزرين
على ان ماك اغمق الا ان لونه مايطلع بقوه ولايعطي دفئ مثل تبع بودي شوب
بودي شوب عليه تخفيض بعد ماكان ب82 صار 62
جد عشقته
وببببسسس
بكذا خلصت الروتين وكل وحده ان شاء الله لقت الي تبغاه ويناسبها
الاسعار مااتذكرها كلها ولاحتى من وين مو كلها
