السلام عليكم...
كيفكم ان شاء الله طيبين :)
تدوينه اليوم مشتريات متفرقه مو شرط ميك اب
في الحقيقه ولاقطعه ميك اب شريتها لما نزلت المول
هالشي انجاز بالنسبه لي لاني ابغى اشياء كثيره ومابغى اصرف في شي مااحتاجه
غير اني طالبه ميك اب ممن سيفورا امريكا لان عندي حفل مسائي وماعندي شي ينفع سهرات ..
رحت لمول مافيه ماك وفافافوم عشان مااخربها على نفسي:)
بسم الله نبدا
من كلينيك كريم مرطب للبشره الجافه
من اجمل واحلى الكريمات المرطبه الي استخدمتها
من اول ماستخدمتها ماطلعتلي ولاحبه بيضاء
وازن الترطيب بدون مايترك جفاف او دهون ولمعه
بيرفكت
استخدمت الحجم الصغير منه كان ب150
وخلصته وبتكلم عنه بشكل مفصل في الانستا
رجعت اخذت الكبير ب330 اعتقد حسبته لي ب300:)
الفرق بين الحجمين
الصغير غلبني في استخدامه لان ماله ضغاط
اما الكبير منه فيه ضغاط ...
مناكير ماكس فاكتور
من اجمل المناكير الي استخدمتها
فيها لمعه حلوة وماتترك اثر لون بعد ماتشيلينها
سعرها رخيص ب33 او 35 ريال
وماعندي لون احمر احمر
فاخذته
اسمه red passion
منظمه الشنطه :)
مدري هذا اسمها ولا انا خرفته
من زمان اقولكم شنطه المدرسه فيها كل شي من علب مناديل لحلاوة بقره
حتى حليب سايل وليبتون موجود فيها
فلما لقيته هذا على طول اخذته
من شو اكسبرس
فيه بيج وفيه اسود
اخذت الاسود
والعلبه فيها حبتين اعتقد
لحد الحين ماشفتها :)
فيه حجمين شي صغير ب14 اعتقد وشي كبير ب21 اعتقد
هاشنطه طحت في غرامها اول ماشفتها
صايره احب الشنط الصغار
مرررررررررره
للاسف مااذكر من وين او بكم
صغيره شوفو حجم الروج مقارنه بها
اعجبتني وحسيتها كيوت لدرجه حطيتها فوق الدولاب جنب العطور شكلها كشخه بالنسبه لي
بعدها حلم اتحقق لي من زمان
من اووول وانا خاطري اشتري من الشايع
مو عشان شي بس عاجبني وقد جربت الحميضي وفخم صح بس ماادور الفخامه قد ماادور البساطه والجمال
نتكلم عن ساعه طبعا :)
اول مارحت له قلتله ابغى ساعه كلاسيك مافيها ارقام بس خطوط ومافيه جواتها عدادات او دواير
ورماديه
طلعلي كثير
اخترت منها
سعرها 450 ريال
بلوزة من مانقو
عندنا حفل يوم الجمعه وزينا اسود وابيض
فحبيت اشتري بلوزة كلاسيك ناعمه واسعه عشان اتحرك براحتي وفنفس الوقت تبان فخمه
فما لقيت الا مانقو
وحده من البنات تقولي واسعه علي بس هذا هو موديلها :) وانا ابغاها واسعه
بنطلونها ستريت هاي ويست اسود من تحت يكون مستقيم واسع شوي
من نفس الكولكشن تبع السوت او البدلات
اعتقد سعرها 170 او 200 مااذكر
القطعتين ب380 هذا الي اذكره
نبدا بطلبيه سيفورا امريكا :)
انا مااتعامل غير مع ولاء لانها اصلا بامريكا وتوفر لي اي شي بوقت قصير
ياهي تطلبه من سيفورا ويوصلها لشقتها في يومين او تطلع تاخذه بنفسه
القطع تجي مغلفه ومحميه ماتخافين تتكسر ابدا
نبدا بالجمال كله ......:)
نارس
هاشي اول ماشفته انصددددمت من حجمه !!!!!
كبيررررررر جدا جدا جدا
هو بلاشر وبرونزر
من زمان ابغى اللونين هذولا الي هي اورقازم و لاقونا
لحد الالن ماطلعته حتى من علبته مو مصدقه انه جاني اخييرررا
ومابغى اخرب شكله الحلو
لان الباكج فخم فخم فخم جدا
سعره 42 دولار
نجي للشي الثاني من نارس
فاونديشن شير قلو
سمعت عنه مدح كثير وانه يناسب البشره الجافه
فاخذته ودرجه طلعت تمام لان فيه وحده لونها مثل لوني واعتمدت على لونها وجات حركه موفقه
بصراحه اشكال الاشياء الغاليه تجي غاليه
يعني تحسين وان كانت بسيطه فهي غاليه
درجتي بنجاب ميديم
سعره 45 دولار
بلاشر وبرونزر من قيرلان
اول منتج اشتريه منهم فمااعرف متحمسه له خصوصا اسعارهم غاليه
بس الباكج والشكل حلو
من اول ماشفته قلت ابغااااه
حجمه متوسط مو كبير ولاصغير
قريت عنه قريب ريفيو ماش ماهو حلو فخفت حماسي له من قبل مايوصلني
بس شكله من جوا يجنن
فيه حبات شيمر خفيفه
درجتي ناتشورال 02
سعره 53 دولار
اخر شي اخذته
من تارت الحب
باكج يججي في شنطه
الشنطه جودتها مو ذاك الزود يعني تتقشر
بس همي الي داخل
فيها شدو
وماسكرا للاسف واتر بروف
وروج
وتان اثنين اعتقد
ترى اكتبها وانا مااذكر ايش فيها فاقرا في سيفورا ايش فيها والاسعار ولا انا ناسيه فعدوها لي
صوره من الموقع
وبكذا انتهيت
اتمنى اعجبكم وحطيتو شي منه في الويش ليست
لاني انا اخذت اغلب الاشياء في الويش ليست تبع 2015 من هلاشياء :)
