حل الاقدام المتشققه ومفاصل اليد السمرا ..

 

 

 

 

 

 

السلام عليكم .......

موضوع بيهم البنات اللي رجلهم تنشب في الفرش او تحسينها تمسك في كل شي ناعم

واللي يدينها تتفشل من انها تصور يدها ولاتخبيها تحت كم العبايه ...

 

 

 

بينفع لان نتيجته بتشوفينها في ليله بس او بالكثير ليلتين ..

مع اني مااحب المواضيع الي مفعولها سريع لان بمثل سرعتها بتختفي ..

 

 

 

 

 

 

 

 

 

 

 

نبدا بالاقدام الله يعزكم ..

 

 

مره من المرات بعد مافريت السوق فر دخلت السرير ونشبت رجلي في الشرشف

وعلى طول قمت اشوف حل ..

 

 

ماادري اذا بيعطي نتيجه نفسها للبنات اذا استخدمو منتجات مختلفه لكن هالاشياء ضامنتها ..

 

 

 

 

 

 

 

استخدم بالمرز الي في الصورة

تبع الحوامل يمنع التشققات ماادري اذا ايه او لا بس استخدمه للترطيب

وترطيبه ممتاز

اسوي مساج لارجولي من داخل يعني من القدم الي تدعسين عليها

احط كمية كبيرة وادلكها لحدد تمتصها البشره

واحط بعدها كريم من بالمرز ...

احطه بكميه كبيرة برضو وادلكه ..

اذا تتضايقين من ريحه المنتجات ماراح يناسبك

لان ريحته لما تكثرين ريحه حلبة وكركم

وبعدها احط من بالمرز كميه بسيطه وادلكه

ملحوظه ..

مو لازم تمتصه البشره خلي فيه كميه عالبشرة ماتمصه كانها طبقه بعلمك اييش بتتسوين فيها بعد شوي

عادي خلي رجلك تسبح في الكريم

 

 

 

 

كذا خلصنا ترطيبك

 

الخطوة الي بعدها اختياريه براحتك

 

 

 

 

 

 

 

النعناع الي من بودي شوب

احطها على رجلي من فوق يعطي احساس برررووووووده

للناس الي تتضايق من احساس ان فيه شي عالرجول بيشيل هالشي منك

 

 

 

بعدها غلفي رجلك كامله بسولفان او تغليف الشفاف النايلون تبع الاكل ولاتشدينه عشان ماتتضايقن منه

والبسي شربات عشان ماتطيح من ارجولك

 

بعد ماتصحين فسخي الشربات

والسولفان ودلكي رجلك مثل اول لحد تمتصه البشره بتلاحظينه قل كميته وبتتشربه بشرتك بسرعه

وتلاحظين ان كعب رجلك صار ناااااااعم

 

حتى دعستك عالارض بتحسينها مختلفه

 بعدها غسليها بمويه حارة او نقعيها شوي

وابدي افركي بالمبرد الي تحت بعد ماتطلعينها من المويه

 

 

 

 

 

ابردي كعب رجلك بالمبرد الموف الي فوق

والمبدر الصغير ابردي اطراف اظافرك وابردي اظافرك او قصصيها

 

 

 

 

اذا انتي مثلي فانا لقيت رجلي تتقشر قبل اصلا مااحط عليها موية وبسرعه اتقشرت معاي بالفرشه

لهال اربع اوجه فاستخدامها ممتاز لقيتها من الصيدليه بريال بسسس

والمبرد الصغير من اتش اند ايم

 

 

واخر شي جففيها ورطبيها بمرطبك الي متعوده علي

 

 

 

 

 

 

نجي لليدين

 

 

 

 

 

 

 

 

 

 

نفس الفكره بزبط بس شيلي تبع الاقدام

حطي  بالمرز ودلكي اصابعك

بعدها افكري اظافرك وجوانبها بفازلين

بعدها حطي زبدة الشيا من بودي شوب ممتازة جدا في الترطيب ومن جد تشيل البقع والجفاف

كثري الكميه وبعدها البسي القفازات

 

 

 

 

 

 

 

 

تلقينها في صيدليات او المستشفيات خذيها

افضل الاكياس لان تخلي الكريم ماتمتصه ..

 

 

 

 

 

 

 

 

 

والصباح دلكي الباقي وافركي جوانب اظافرك بالمبرد الصغير وقصصي الجلد الزايد

الصراحه مااستخدم القصاصه المخصصه لاني مالقاها

فاستخدم حقت الاطفال الصغيرة مره واعقمها

 

 

 

 

 

 

وبكذا نكون خلصنا

بس نصايح بسيطه لا تغسلين الاواني وتشتغلين بدون قفازات مطبخ

اتضارب انا واخواتي على اذا يحطون كلوركس او لا اذا انا الي بنظف

اهتم بيدي وبنفسي اهم من أي شي ثاني

نفسك قبل أي شي

الاواني تتبدل

اما يددك هي الي بيشوفونها الناس ويقيسون عليها نفسك واهتمامك

والي يقولون ان المفاصل سمرا في يدهم هالطريقه بتنفعهم ان شاء ءالله جربوها وادعولي