السلام عليكم
التدوينه هذي من كثر مانتظر توصلني الطلبية حسيت خلاص برد حماسي لكتابتها
لكن نكتبها لان كثير ينتظرها وكثير يحب هالانواع من التدوينات
اغلبها من موقع نوردستروم وبعضها كانت من انيقات هديه
نبدأ بنوردستروم
للي ماتعرف ايش نوردستروم
هو موقع شوبينق اون لاين مايدعم اللغة العربيه بس يكتب الاسعار بالريال السعودي
ويشحن دايركت للسعوديه ب90 او اقل او اكثر على حسب اذا مع ارامكس اما الدي اتش ال ياخذ مبلغ اكثر
فيه حجات ماتنشحن للسعودية مثل ارواج ماك وغيرها مثل الباكج الي يجيك اقتصادي فيه اكثر من شي بس ارخص من سعرها الواقعي
يعني مثلا فيه باكج جمع فيه اكثر من شي لو تشترينها لحاله تطلعلك الف وشي
ينزلونها باكج اقتصادي ب300 واحيانا 280 مثل لانكوم !!!
تقدرين تخلين متجر يطلبلك انا طلبت من المتجر الي في الانستا نزلته
تعاملها برد قلبي ومشاء الله مهتمه بالتفاصيل
وتقدرين تتسوقين منهم على حسب البراند اذا تبين شانيل او ديور وغيرها
واسعارهم تختلف اهتلاف بالنسبه لي كبير
مثلا مسكره لانكوم اخذتها ب 200 عندهم ب130
ارواج ماك 64 وعندنا 108
وعندهم فرشه الوجه الي دايما انساها ويشحنونها دايركت لسعوديه
مايحتاج تاخذينها من تاجرات ودامه يشحن دايركت للسعودية ماتحتاجين بريد امريكي بس تحتاجين فيزا
المهم نرجع لمشتريات نوردستروم
المهم نرجع للأغراض الي اخذتها
حاولت ادلع نفسي واخذ حجات هاي اند او غاليه
وبالفعل الباكج حقها يحسسك انها غاليه ومرتبه مره مره
كثير براندز حبيت اجربها والحمدالله اتوفقت ولقيتها
نبدا بعشوائي
برونز شانيل
من كثر المدح الي سمعته عليه والكل يستخدمه قلت اجربه
علبته انيقه مره مره مره
مشكلتها بالنسبه لي البصمات تطبع عليها
من جوا شكلها يخليك ماودك تلمسينها ابدااا
الشي الي استغربته حجمها مره صغيروط
نحيفه مره مره ماتوقعتها كذا
سعره 193 في نوردستروم
تلقونه عند تاجرات او من سيفورا اعتقد
الشي الثاني برضو اخذته من المدح الي مو طبيعي عليه
لوراميرسيه
هي بودرة شفافه تثبيت تحت العين او الوجه اعتقد
مالها لون بس تثبت
كنت مختبصه ابغى الشفافه لان كثير يقولون فيه شي فيه شيمر وغيرها
حجمها جيد جدا خصوصا انك ماراح تحتاجين كثير منها
كان نفسي اجرب ماركه نارس وانبسطت لما شفت تخفيض عليها في الموقع
ماترددت ابدا بس اتمنيت اني اخذت شي من ارواجهم
الاغلب الي يفكر في نارس يفكر في بلاشراتهم بس بما اني مو مره مع البلاشرات
اخترت ثاني شي معروف عندهم
الي هو كونسيلر radiant creamy concealer
اول شي كالعاده تغليفته حتى كرتونته تاخذ العقل
مات اسود
ششي مرتب بصراحه
ادري غريبه اني منبهره بالباكج بس مو متعوده عالهاي اند
المهم كثير كثير مدحو هالكونسيلر في يوتيوب
وانا اصلا حبيت اجرب شي من هالماركه لكن كثير يشتكون من اسعارهم وبصراحه اسعارهم حلوة في نوردستروم يعني شانيل
وغيرها اغلى منها
درجاتهم واضحه ومتعدده وسعرها 117 ريال
درجتي كاسترد
انتبهي وانتي تختارين درجاتهم وشوفي عالنت سواتشات افضل
طبعا مافيه احد كاتكلم عن هالشيئين
الكل صار يستخدمها لحواججبه واكيد عرفتوه
انستازيا
اخذت شيئين منهم احتجتها جدا لان بودره بودي شوب خلصت
كالعاده علبته كيوووووت تحسينها بالفعل غاليه
الباكج يفتح النفس
الي استغربته انها البودره مره مره مره مره صغيره
الدرجه ميديوم براون
اخذت فاتحه لاني حابة افتح حواجبي
سعرها 92
تقريبا نفس سعر بودي شوب ونفس الحجم
اذا ماكان اكبر
تبع بودي شوب حلوة بس الباكج رخيص وماخذين نص العلبه لفرشه فاشله بس تبقى جودتها ممتازة
الشي الثاني من انستازيا الجل تبعهم
اذا هذاك انصدمت من صغرها هذي انصدمت من كبرها مشاء الله
علبتها قزاز وثقيله مو بلاستيك رخيص
حسيتها كيوت مره
درجتي اخذتها بلوند
احب الحواجب الفاتحه تعطي عمر اصغر
كثير يقولون انه موجل وبس لا يقلب بودره
فماادري
سعره ارخص من تبع البودره مع انه اكبر
سعره 72 ريال
نبدا في ارواج ماك وشانيل
بالنسبه لماك
تهورت شوي بس يله
ارواج ماك بصراحه ماادري على ايش ماخذه سمعتها
عاديه واعدا من العادي بعد
وفوق هذا ملخبطين فيفا قلام تبع رينا
بس لما جربته انببسطت من لونه غير مره عالشفايف
الباقي ماعجبني مره
راح انزل صورها كلها وبعدها اسمائها
هذا الي تبع فيفاقلام من كولكشن ريانا
والله موهين
بعضها من متجر انيقات والبعض من نورستروم
اسعار الي من نوردستروم ب64 ريال حتى تبع الكولكشن
على فكره ترى السواتشات مهما حبيتيها احسها تختلف على شفايفك وعلى الواقع
بصراحه ماادري بس مفروض شفتها في المحل وجربتها ثم طلبت
على فكره هذي مو كلها والباقي مدري وينها
وسواتشات والاسماء عالانستا افضل لانها مو حولي
ارواج شانيل
من انيقات
ماجربتها ففماعرف جودتها
باقي واحد اعتقد مدري وينه
الي بعده من ماركه بير مينرال
عشان اكون صريحه معكم ترى ماخذته الا عشان عليه هديه يعني اذا اختي شي من ماركه بير مينرال يعطونك هديه او عينه
اعواد تنظيف ميك اب فيها سائل
مثل تبع سيفورا
سعرها 22 ريال فيها اعتقد 40 حبه
تنفع اذا تنظفين الكات أي او تخلين طرف حاد
اخر شي هالروج من نكس
للاسف مافيه الا هاللون بس جميل مره
سعره 22 ريال اعتقد
وعشان تعرفون ليه استغرب من تغليف الكشخه
هذا الروج واصلني في كيس صغير مثل اكياس العينات او الهدايا الي تشوفونها الحين
نجي للعينات او الهدايا
بعض الماركات تكتبلك انك اذا اشتريتي شي منها سوا فرشه او روج او أي شي لك عينه مجانيه من نفس الماركه
هالشي حلو شفت في بير مينرال ولوراميؤسييه وماك
تجربينها بحجم صغير وببلاش واذا اعجبتك اشتريها
اخترت لوشن وماسكرا من ماك وكريم عيون اعتقد من بوبي براون
وبكذا خلصت التدوينه الي لي مدري كم يوم اكتبها
